الطريقة سهلة جدا و مع الوقت تتقنو السفنج و حتى الي موجودين فالمغرب غتستغناو عن شرائه ..
المقادير : كمية من الدقيق الأبيض-فورص حسب عدد أفراد الأسرة + خميرة الخبز + ملح + رشة سنيدة ...نجمع العجين بماء دافئ مع عركه جيدا بالكف و نضيف الماء بالتدريج حتى يصبح عندنا عجين لين و خفيف اخف من عجين المخمار قليلا ..نأخذ زلافة زجاجية كبيرة او أي اناء ندهنوه جيدا بالزيت و نضع فيه العجين و ندهنه من الفوق أيضا بالزيت ..كنت استعمل سابقا الماء لكن الزيت أفضل ثم نغطي الاناء و نتركه يخمر ..لما يخمر نعيد جمع العجين و نتركه لبعض الوقت قبل تشكيله ..نأخذ جوج مقالي نضعهم فوق النار ..واحدة فيها قليل من الزيت و الاخرى بها زيت غزير ..ندهن يدينا جيدا بالزيت و نبدأ في اخد كمية من العجين كأننا نقج العجين ههه تقريبا كرة صغيرة نثقبها من الوسط و نشكلها بسرعة على شكل سفنج و نضعها فوق المقلاة التي بها زيت قليلة و نتركها حتا تنتفخ ثم نضعها فوق المقلاة التي بها زيت غزيرة على نفس الجهة لتنتفخ أكثر وتنضج من أسفل ثم نقلبها لتتحمر من الجهتين ثم نزيلها و نضعها فوق ورق نشاف ليمتص فائض الزيت..نستمر هكذا حتى ننهي كمية العجين ..اذا كانت عندنا مقلاة كبيرة نضع عدة قطع فنفس الوقت ...لكن لانزاحمهم كثيرا ..و النار تكون متوسطة و ليست قوية لكي لا نحرق الزيت و تحدث دخان ...و تشكيل السفنج مع المدة و التطبيق المستمر غيجيكم سهل و تتقنوه ..نتمنى أكون شرحت مزيان..و بالصحه
الإبتساماتإخفاء