الحواجب اساسية جدا فى جمال و شكل الوجه ، كلنا بنهتم بيها و بنعتبرها جزء اساسى جدا من اللوك بتاعنا و من جمالنا ، لانها من اهم الحاجات اللى بتلفت النظر لينا و أيضا بتبرز جمال الوجه و العيون..
- شكل الحواجب المناسب للوش المدور:
لو وشك شكله دائرى ، يبقى افضل رسمة حواجب ليكى هى الى زاويتها عالية شوية من عند النص تقريبا، علشان الرسمة دى بتبرز عضمة الحاجب و بتدى مساحة اكبر فوق عيونك فبتبينها اوسع.
2- شكل الحواجب المناسب للوش المربع :
لو وشك من النوع المربع يبقى انسب شكل حواجب ليكى هى الحواجب المدورة بس بسيط ، لكن خدى بالك انه زاوية الحاجب متبقاش حادة يعنى زى ما يكون الحاجب مقسوم ، التدويرة البسيطة دى بتدى نوع من التناسق لشكل وشك و بتقلل من الحدة الى فيه بسبب شكله المربع .
3- شكل الحواجب المناسب للوش البيضاوى :
لو وشك بيضاوى ، اختارى شكل الحواجب الكلاسيكى اللى فيها قوس بسيط كده ويفضل إنها تكون سميكة عشان تعمل توازن في شكل الوش.
4- شكل الحواجب المناسب للوش الطويل :
لكسر حدة و طول شكل وشك خلى حواجبك قصيرة شوية عند نهايتها ، متخليهاش ممدودة للأخر مع كسرة بسيطة عند آخر الحاجب .
5- شكل الحواجب المناسب للوش القلب :
اصحاب شكل الوش القلب عندهم خيارات كتيرة و واسعة لرسمة الحواجب اللى يحبوها ، لانه شكل الوش ده بيتناسب معاه اكتر من رسمة حاجب ، بس المهم خلى حواجبك سميكة او عريضة نوعا ما, من أكتر الروسمات اللي بتليق عليهم هي الدايرة البسيطة الناعمة ده بيقلل شوية من حجم القورة العريضة.
6- شكل الحواجب المناسب للوش المثلث او الماسى :
زى شكل الوش الطويل بالضبط ، الوش الماسى او الوش على شكل مثلث بيحتاج حواجب مستقيمة قصيرة شوية عند الآخر مع كسرة ببسيطة .
الإبتساماتإخفاء